أسعار ذهبك وفضتك تتحدّث مع السوق

كيف يشتغل

1. اربط منتجاتك

   اختر المنتج من منتجات متجرك، واكتب المعدن والعيار والوزن بالجرام والمصنعية. المنتج اللي له خيارات (مثل سبيكة 5 و10 جرام) كل خيار له وزنه.

2. سبيكة يحسب السعر

   الوزن × سعر جرام المعدن حسب العيار + المصنعية، ثم الضريبة حسب إعداد متجرك، ثم التقريب اللي تختاره. الحساب بالهللة، وتشوف تفصيله في صفحة كل منتج.

3. السعر يتحدّث في متجرك

   مع كل تحرّك في السعر العالمي يتحدّث سعر المنتج في سلة. التغيير الصغير جداً نتجاهله عشان سعرك ما يتغيّر كل دقيقة، والتغيير الكبير ينتظر موافقتك.

وش فيه

• ذهب وفضة بكل العيارات

  ذهب عيار 24 و22 و21 و18 و14، وفضة 999 و925.

• مصنعية للقطعة أو للجرام

  مبلغ ثابت للقطعة، أو مبلغ لكل جرام. والمنتج المعفى من الضريبة (مثل السبائك) تعلّمه لحاله.

• حد أمان تحدده أنت

  لو السعر الجديد يفرق عن الحالي بأكثر من النسبة اللي تحددها، ما يتطبق إلا بموافقتك.

• سجل وزر رجوع

  كل تغيير ينحفظ: السعر القديم والجديد والسبب والوقت. وآخر تغيير لأي منتج ترجّعه بضغطة.

• الضريبة حسب متجرك

  سبيكة يقرا من سلة هل أسعار متجرك شاملة الضريبة أو سلة تضيفها، ويعرض لك السعر اللي يدفعه العميل.

• صفحة عربية داخل لوحة سلة

  كل شي تسويه من لوحة متجرك في سلة، بدون حساب جديد ولا كلمة مرور.

لو صار شي غلط، ما يتغيّر شي

• لو مصدر السعر تعطّل، أو أعطى رقم غير منطقي، أو قفز فجأة بدون ما يأكده مصدر ثاني: سبيكة يوقف، وأسعارك تبقى مثل ما هي.
• المنتج اللي عليه سعر تخفيض في سلة ما نلمسه.
• المنتج اللي سعره بعملة غير الريال السعودي ما نحدّثه.
• لو انتهى اشتراكك أو حذفت التطبيق، التحديث يوقف مباشرة وأسعارك تبقى مثل ما هي.

السعر

أسئلة تتكرر

من وين يجي سعر الذهب؟

من خدمة أسعار عالمية مدفوعة، ومعها مصدر ثاني للتأكد. السعر هو سعر السوق العالمي للمعدن، وتضيف عليه مصنعيتك.

هل يغيّر أسعار كل منتجاتي؟

لا. يغيّر المنتجات اللي ربطتها أنت بس، وبعد ما تشغّل التحديث التلقائي من الإعدادات.

وش يصير لو ما عجبني سعر؟

ترجّع السعر القديم من السجل، والتحديث التلقائي لذاك المنتج يوقف لين تشغّله من جديد.

باقي الأسئلة في صفحة الدعم.