سياسة الخصوصية

آخر تحديث: 12 نوفمبر 2026

سبيكة تطبيق من مؤسسة يوتير لمتاجر سلة. هذي الصفحة تشرح بكلام مباشر وش نحفظ من بيانات متجرك وليش.

وش نحفظ

بيانات المتجر من سلة: رقم المتجر، واسمه، ورابطه، وبريد صاحب المتجر، وباقة اشتراكه في التطبيق وحالتها.
مفاتيح الربط مع سلة: اللي تعطينا إياها سلة لما تثبّت التطبيق. نحفظها مشفّرة، ونستخدمها لقراءة منتجاتك وتعديل أسعارها فقط.
المنتجات اللي تربطها: رقم المنتج واسمه وسعره في سلة، واللي تكتبه أنت: المعدن والعيار والوزن والمصنعية.
إعداداتك وسجل الأسعار: حد الأمان والضريبة والتقريب، وكل تغيير سعر: القديم والجديد والسبب والوقت.
سجل تقني: تنبيهات سلة عن التطبيق والمنتجات، والأخطاء، عشان نحل المشاكل.

عشان نحسب أسعار منتجاتك ونحدّثها في متجرك، ونعرض لك السجل، ونقدم الدعم الفني. ما نبيع بياناتك وما نشاركها لأغراض تسويقية.

سلة: نقرا منتجاتك ونعدّل أسعارها عن طريق واجهة سلة الرسمية، بالصلاحيات اللي وافقت عليها عند التثبيت.
خدمات سعر الذهب والفضة: نطلب منها السعر العالمي فقط. ما يوصلها أي شي عن متجرك أو منتجاتك.
الاستضافة: البيانات محفوظة على خوادم في ألمانيا.

لما تحذف التطبيق من متجرك: نحذف مفاتيح الربط مباشرة، ويوقف أي تحديث. ربط المنتجات والإعدادات والسجل تبقى، عشان لو رجّعت التطبيق تلقاها.
لو تبغا نحذف كل بيانات متجرك نهائياً: راسلنا على واتساب (0581952079) من رقم المتجر، ونحذفها.
السجل التقني يتنظّف تلقائياً: محتوى التنبيهات بعد 90 يوم، والمعاينات بعد 30 يوم.

مفاتيح الربط مشفّرة في قاعدة البيانات. تنبيهات سلة نتحقق من مصدرها قبل ما نقبلها. وكل متجر ما يشوف إلا بياناته.

لو غيّرنا شي مهم في هذي الصفحة، نحدّث التاريخ فوق. استمرارك في استخدام التطبيق بعد التحديث يعني موافقتك عليه.

مؤسسة يوتير، السجل التجاري 7054875583. واتساب: 0581952079.