الدعم

راسلنا على واتساب: 0581952079. اكتب اسم متجرك ووش المشكلة، ولو تقدر أرسل صورة من الصفحة.

حلول سريعة

السعر ما تحدّث

• تأكد إن «التحديث التلقائي» شغّال في الإعدادات، وإن المنتج معلّم «يتحدّث تلقائياً».
• لو المنتج ظاهر في «تنتظر موافقتك»، فالتغيير تجاوز حد الأمان وينتظر ضغطة «اعتمد».
• لو الفرق أصغر من «أقل فرق يستاهل التحديث» في الإعدادات، ما نحدّث عشانه.
• لو على المنتج سعر تخفيض في سلة، ما نلمسه لين تشيل التخفيض.

طلعت رسالة «أعد ربط التطبيق من سلة»

من لوحة سلة: «تطبيقاتي»، ثم سبيكة، ثم «إعادة إرسال رمز الوصول للتطبيق». بعدها يرجع التحديث لحاله.

طلعت رسالة عن الضريبة

سبيكة يقرا من سلة هل أسعار متجرك شاملة الضريبة. لو ما قدر يحدد، أو اختيارك يخالف اللي في سلة، يطلب منك تختار من الإعدادات. في صفحة كل منتج تشوف «السعر اللي نرسله لسلة» و«اللي يدفعه العميل».

مكتوب «وضع المعاينة»

يعني سبيكة يحسب الأسعار ويعرضها لك بدون ما يغيّر شي في متجرك. نفعّل التحديث لمتجرك بعد ما نتأكد معك إن الأرقام صحيحة.

كتبت الوزن وما انقبل

اكتب الوزن بالجرام وبنقطة عشرية، مثل 12.5 أو 1234. الفاصلة مع ثلاث خانات (مثل 1,234) تحتمل معنيين، فما نخمّن.

إلغاء الاشتراك وحذف البيانات

الإلغاء من متجر تطبيقات سلة. ولو تبغا نحذف بيانات متجرك عندنا نهائياً، راسلنا على واتساب من رقم المتجر. التفاصيل في صفحة الخصوصية.